ಕಾತರದಿ ಕಾಯುತಿಹಳು ನಲ್ಲೆ ನಲ್ಲ ಬರುವನೆಂದು
ಬರಲಿಲ್ಲ ಅವನು... ತುಸು ಬೇಸರ...
ಹಸುಗೂಸ ಹೆರಲು ಸಡಗರದಿಂದಿಹಳು ತಾಯಿ
ಪರಿತಪಿಸುತಿಹಳು ನವ ಮಾಸ ಕಾಯಲಾಗದೆ
ತುಮುಲದಿ ಕಾಯುತಿದೆ ಕೆಚ್ಚಲ ಕಚ್ಚಲು
ಹಸುವಿಲ್ಲ... ಕಂಗೆಟ್ಟಿದೆ ಪುಟ್ಟ ಕರು
ಜಲದಾಸೆಯಿಂದ ಜಾಲಾಡುತಿದೆ ಜೀವಜಂತುಗಳು
ನೀರಿಲ್ಲ ಮರುಭೂಮಿಯಲಿ.. ಬರೀ ಮರಳು
ಕಾಯೊ ಮನಸಿನ ತವಕಗಳಿವು ಕಾದವನೇ ಬಲ್ಲ
ನನದೂ ಅದೇ ಕಾತರ... ಸತಾಯಿಸುತಿಹಳು ನಲ್ಲೆ
ಕಾದು ಸೋತಿಹ ನಲ್ಲ ನಾನು ಅವಳ ಸಿಹಿ ಮುತ್ತಿಗಾಗಿ
No comments:
Post a Comment