Friday, February 25, 2011

ಅಂತರವೇತಕೆ ಒಲವೇ...?

ಅಂತರವೇತಕೆ ಒಲವೇ, ಅಂತರ್ಮುಖಿ ನಾ..
ಅಂತರಂಗದಲಿ ಅಳುವಿದೆ ನೀನಿಲ್ಲದೆ 
ಎಲೆಯುದುರಿದ ಬೋಳು ಮರದಂತೆ ನಿರ್ಜೀವಿಯು

ಬರಿದಾದ ಮನಸಿನ ಬರೀ ಆಲಾಪನೆ
ಗಂಟಲುಗಟ್ಟಿ ಅಡುಗಿ ಬರಡಾದ ಭಾವನೆ
ಮೂಕನಾಗಿ ಬಿಕ್ಕಳಿಸುವೆನು ಬರವಣಿಗೆಯಲಿ..

ಅಂತಪುರದಲಿಟ್ಟು ಆರಾಧಿಸುವೆ ನಾ
ಅಂತರಗಂಗೆಯೇ.. ಹೆಚ್ಚಿಸದಿರು ಅಂತರ
ಜೋಮು ಹಿಡಿದ ಜೀವದಂತೆ ನಿಶ್ಚಲನೂ  ..

ಅಂತರವೇತಕೆ ಒಲವೇ ಅಂತರ್ಮುಖಿ ನಾ...

No comments:

Post a Comment