ಹೃದಯದೇಗುಲದ ಒಡತಿ

ಮೊದಲ ಬೇಟಿಗೆ ಮೊದಲ ನೋಟಕೆ ಒಲವಾಗಿದೆ ಇಂದು

ನೀನ್ಯಾರೆ ಹುಡುಗಿ ಚಂದನದ ಗೊಂಬೆ..

ಮುತ್ತಿನಂತಹ ಗುಣದವಳು

ನನ ಹೃದಯ ದೇಗುಲದ ಒಡತಿ

ಚೂಪುಕಂಗಳ ಕಾಂತೆ.. ನನ್ನ ದೇವತೆ

ಕೆನೆಹಾಲ ಲೇಪದ ಕಾಣದ ಲೋಪದ ನನ್ನ ಚೆಲುವೇ..

ಒಲವಲಿ ಬಿದ್ದಿರುವೆ ನಾ, ನಿನ್ನ ಪ್ರೇಮದ ದಾಸನು..

ಬಿಸಿಲೋ ಬೆಳದಿಂಗಳೋ ತಿಳಿಯದಾಗಿದೆ ಇಂದು

ಪ್ರೀತಿಯಲಿ ತೇಲುತಿಹ ಹುಚ್ಚು ಮನಸಿನಲಿ, ನೀನೇ ಬರೀ ನೀನೇ..

ಪ್ರತಿ ಉಸಿರ ಏರಿಳಿತದಲೂ ನಿನ್ನದೇ ಕನವರಿಕೆ,

ನನ್ನ ಸನಿಹದಲೇ ನೀನಿರಬೇಕೆಂಬ ಬಯಕೆ

ನಿನ್ನ ಬಿಟ್ಟು ಬೇರೆ ನೋಡದ, ನಾ ಕಣ್ಣಿರುವ ಕುರುಡನು..

ನಿನ್ನ ಪ್ರತಿ ನಡೆಯಲ್ಲೂ ನಾ ಹಾಸುಗಂಬಳಿಯಾಗಿರುವೆ

ನನ್ನ ಕಡೆ ಉಸಿರಿನವರೆಗೂ ಕಣ್ಣಿಟ್ಟು ಕಾಯುವೆ

ನಾ ಮಲ್ಲಿಗೆ ನಿನ್ನ ಪಾದದಡಿ , ಕಡೆಯವರೆಗೂ ಜೊತೆಯಾಗುವೆ ಹುಡುಗಿ

ಪ್ರೀತಿಸುವೆ ನಿನ್ನ, ನನ್ನ ಮರಣದಾಚೆಗೂ...