Tuesday, January 1, 2013

ಸರಣಿ ಸಣ್ಣ ಕತೆಗಳು (ಭಾಗ-2)



ಮದುವೆ

ಆಕೆ ಮತ್ತು ಆತ
 ಅಲಂಕೃತರಾಗಿ ಮದುವೆ ಮಂಟಪದಲ್ಲಿ ಕೂತಿದ್ದಾರೆ. ಅದು ಉತ್ತರ ಭಾರತದ ಯಾವುದೋ ಒಂದು ಹಳ್ಳಿಯಲ್ಲಿನ  ಮದುವೆ ..ಅಲ್ಲಿನ ಸಂಸ್ಕೃತಿಯ ಪ್ರಕಾರ ಮದುವೆಯ ಮೊದಲು ಗಂಡು ಹೆಣ್ಣು ಪರಸ್ಪರ ಮುಖ ನೋಡುವ ಹಾಗಿಲ್ಲ. ಮದುವೆ ಕಾರ್ಯದಲ್ಲಿ ಅವರವರ ಮನೆಹಿರಿಯರ ತೀರ್ಮಾನವೇ ಅಂತಿಮ... ಅದರಂತೆ ಅವರಿಬ್ಬರ ಮುಖವನ್ನು ಪರದೆಯಿಂದ ಮುಚ್ಚಲಾಗಿತ್ತು.

ಅರ್ಚಕರು ಶಾಸ್ತ್ರಗಳನ್ನು ನೆರೆವೇರಿಸುತ್ತಿದ್ದರು. ಎಲ್ಲೆಡೆ ಸoಭ್ರಮ-ಸಡಗರ.. ಆದರೆ ಮದುಮಗನ ಮನಸ್ಸು ಮಾತ್ರ ವಿಲ ವಿಲನೆ ಒದ್ದಾಡುತ್ತಿತ್ತು. ಆತನಿಗೆ ಆ ಮದುವೆ ಇಷ್ಟ ಇಲ್ಲ ಎಂಬುದಕ್ಕೆ ಅವನ ಮನಸ್ಸಿನ ತಳಮಳವೇ ಸಾಕ್ಷಿ. ಅಂತೂ ಇಂತೂ ಮದುವೆ ಮುಗಿಯಿತು.. 
ಶೋಭನದ ರಾತ್ರಿ...  ಮನಸಿಲ್ಲದ ಮನಸ್ಸಿನೊಡನೆ ಆತ ತನ್ನ ರೂಮಿನಲ್ಲಿ ಕುಳಿತ್ತಿದ್ದಾನೆ... ಬಾಗಿಲು ಬಡಿದ ಶಬ್ದ.. ಎದ್ದು ಹೋಗಿ ಬಾಗಿಲು ತೆರೆದು ನೋಡುತ್ತಾನೆ ಆತನ ಹಳೆಯ ಪ್ರೇಯಸಿ ನಿಂತಿದ್ದಾಳೆ. ಇವನಿಗೋ ಗಾಬರಿ.....
ನೀನ್ಯಾಕೆ ಇಲ್ಲಿಗೆ ಬರಹೋದೆ, ಮೊದಲು ಇಲ್ಲಿಂದ ಹೋಗು ಎಂದ ಆತ ಗದ್ಗದಿತನಾಗಿ.. ಅವಳೋ ಬೆನ್ನ ಹಿಂದೆ ಹಿಡಿದುಕೊಂಡಿದ್ದ ಹಾಲಿನ ಲೋಟವನ್ನು ಅವನತ್ತ ಚಾಚಿ ಮೋಹಕ ನಗುವಿನೊಡನೆ ಒಳಗಡಿಯಿಟ್ಟಳು.
 ಆತನ ಮನಸ್ಸಿನ ತಳಮಳ ನಿಂತು ಹೋಗಿತ್ತು..!


1 comment: