ತುಸು ನೋಡೋ ಆಸೆ ನಿನ್ನ , ನಾ ಅಸು ನೀಗುವಾ ಮುನ್ನ
ಬಾ ಬಾರೆ ಗೆಳತಿಯೇ ಅನುಗ್ರಹಿಸು ಎನ್ನ.......................
ಬೆಳದಿಂಗಳ ತೋಟದಲಿ ಕಾಯುತ್ತ ಕೂರುವೆನು
ನೀ ನನ್ನ ನೋಡ ಬರುವೆ ಎಂದು
ನಿನ್ನ ಬರುವು ಕಾಣದಿರೆ ಅಸ್ತಮಿಸುವುದು
ಈ ಬಡಪಾಯಿ ಜೀವ ಇಂದು...
ಬೆಳದಿಂಗಳ ಬೆಳಕಾಗಿ ನಿನ್ನ ಬಾಳ ಬೆಳಗುವೆ
ಎವೆಯಿಕ್ಕದ ಕಣ್ಣಿಂದ ನಿನ್ನ ಕಾಯುತಲಿರುವೆ
ಇದು ಹುಚ್ಚು ಮನಸಲ್ಲ, ಬೆಪ್ಪು ಕನಸಲ್ಲ
ನಿನ್ನಾಣೆ ಗೆಳತಿ ನಾ ನಿನ್ನ ಇನಿಯ
ಬಂದು ಸೇರಿಬಿಡು ನೀ ನನ್ನ ಸನಿಹ...
ನೀ ನನ್ನ ಮನದನ್ನೆ, ನೀನಿರದೆ ನಾ ಸೊನ್ನೆ
ಎದೆಗೂಡ ಒಳಗೆ ಬಚ್ಚಿಡುವೆ ನಿನ್ನ
ಓ ನನ್ನ ನಲ್ಲೆ ಯಾಕಿಷ್ಟು ದೂರ
ಈ ಜೀವ ನಿನದೇ ಸೇರಿಕೋ ಎನ್ನ...
No comments:
Post a Comment