ಸಾಗರದಾಚೆಯ ಪುಟ್ಟ ದ್ವೀಪದಲಿ
ನನ್ನ ತೋಳಿನಲಿ ನೀ ಬಂಧಿಯಿರೆ
ಭಯವ ಬಿಡು ನಿಶ್ಚಿಂತೆಯಿಂದಲಿ..
ನಿನ್ನಕ್ಷಿಯೊಳು ಅಕ್ಷಿಯಿಟ್ಟು
ಕಾಯುವೆ ನಾ ಅನವರತ..
ಪೀಡಿಸು ನೀ ಸತಾಯಿಸು
ತುಸು ರಂಗಾಗಿ ನೀ ಕೋಪಿಸು
ಮಗುವಾಗು ನೀ ನನ್ನ ಮಡಿಲಲಿ..
ಆನಂದಿಸುವೆ ನಿನ್ನ ಪ್ರತಿ ನಡೆಯ
ನೀ ನನ್ನವಳು ಪ್ರತಿ ಸಮಯ..
ನಾ ಉಸಿರ ಹಿಡಿದಿಡುವೆ
ನೀ ನಿದ್ರಿಸಿರೆ ಸದ್ದು ಬರದಂತೆ..
ಸಿಹಿಗನಸ ಆಯ್ದು ಕಳಿಸುವೆ ನಾ
ಭಯ ಬೀಳದಂತೆ ನನ್ನ ಮುದ್ದು ಒಲವು..
ಕನಸಲ್ಲ ಇದು ನಿಜವೇ ನಾ ನಿನ್ನೇ ಪ್ರೀತಿಸಿರುವೆ..
No comments:
Post a Comment