ನೀ ಮೊದಲ ಮಳೆಯ ಸಿಹಿ ಘಮವೇನೆ
ಚೆಲುವಾಗಿ ಚಿಮ್ಮುವ ಕಾರಂಜಿಯೇ
ದುಂಬಿ ಮೆಚ್ಚಿದ ಹೂವೇನು ನೀ ಬಹುವಾಗಿ ಕಾಡುತ್ತಿರುವೆ
ಮೂಕವಿಸ್ಮಿತ ನಿನ್ನ ಚೆಲುವಿಗೆ ಹೇಳಲಾರೆ ಹೆಚ್ಚೇನನೂ..
ಕಣ್ಣಲಿ ಒಲವನು ಸೂಸುವ ಪರಿಗೆ
ಪ್ರೀತಿಯುಕ್ಕುವ ಮೊಗದ ಮಾಟಕೆ
ಏನೆಂದು ಕರೆಯಲಿ ನಾ ಪ್ರೇಮದ ಗಣಿಯೇ
ತುಸು ವಿಚಲಿತ ತುಸು ಚಂಚಲ ನಾ ನಿನ್ನ ಮೋಹಿತ..
ತಲ್ಲಣಿಸುತ್ತಿಹುದು ಹಿತವಾಗಿ ದಮನಿ
ಉಕ್ಕಿ ಹರಿಯೋ ಪ್ರೀತಿಯಲಿ
ನೆಲವ ಬಿಟ್ಟು ಮೇಲೇರಿವೆ ಚರಣಗಳು
ಓಲಾಡುತ ಖುಷಿಯಲಿ..
ನಿನ್ನಂತರಂಗದ ಅರಮನೆಯಲ್ಲಿ
ಎಲ್ಲೆ ಮೀರಿದ ಪ್ರೇಮಿ ನಾನು
ಒಂದಿನಿತೂ ಬದುಕೆನು ನಿನ್ನ ವಿನಹ
ನೀನೆ ನನ್ನ ಸಂಜೀವಿನಿಯು..
ಹೇಳೇ ನೀ ಮೊದಲ ಮಳೆಯ ಸಿಹಿ ಘಮವೇನೆ....
No comments:
Post a Comment