ಓ ಪ್ರಾಣವೇ.. ನಾ ಕಾಣದಾಗಿಹೆ
ನಿನ್ನೊಲವಿನಾಳದಲಿ ಕರಗಿ ಹೋಗುತಲಿ
ಪದೇ ಪದೇ ನನ್ನ ಮನಸು ಕನವರಿಸುತ್ತಿದೆ ನಿನ್ನೇ
ನನ್ನೇ ಮರೆಯುತ.. ಬರೀ ನಿನ್ನೇ ನೆನೆಯುತ..
ಪರಿ ಪರಿಯಲಿ ಕಾಡುತಿಹೆ
ನೀ ಮನದ ಪರಿಧಿಯ ದಾಟಿ
ನಿನ್ನನುರಾಗಕೆ ಏನ ಕೊಡಲಿ ನಾ
ನಿನ್ನನೇ ಹೃದಯದಲಿಟ್ಟ ನಾ ಬರಿಗೈ ದಾಸನು..
ಕಣ್ಣ ಮುಚ್ಚೋ ಘಳಿಗೆಯಲ್ಲಿ
ಕನಸ ತುಂಬಾ ನೀನಿರುವೆ
ಮನದ ತುಂಬಾ ನಿನದೇ ಮಂದಹಾಸ
ಮಂದಗಾಮಿ ನಾ ನಿನ್ನ ಒಲವಿಗೆ.. ಬರೀ ನಿನ್ನನೇ ಕಾಣುತ..
ನವಿರಾದ ಹಾಡ ಹಿಂದೆ ನಿನ್ನದೇ ರಾಗವ ಕಂಡೆ
ನನ್ನೆದೆಯ ಬಡಿತದಲಿ ನಿನ್ನದೇ ಮಿಡಿತವ ಕಂಡೆ
ನೀನೇನೆ ನನ್ನ ಪ್ರಾಣ.. ನಿನಗಾಗಿಯೇ ನನ್ನ ಧ್ಯಾನ
ನಾ ಋಣಿಯು ನಿನ್ನ ಪ್ರೀತಿಗೆ ನಿನ್ನನೇ ಪ್ರೇಮಿಸುತ..
No comments:
Post a Comment