ಅಂತರಾತ್ಮವು ಗುನುಗುತ್ತಿದೆ ನಿನ್ನ ಹೆಸರಿನಲ್ಲೇ ಕವಿತೆ
ಅಂತರಾಳವು ಕೂಗುತ್ತಿದೆ ನೀನೆ ನನ್ನ ಹಣತೆ
ನೀನೊಂದು ಬರೀ ಹುಡುಗಿ ಈ ಜಗಕೆ
ನೀನೇ ಜಗವು ಎನ್ನ ಮನಕೆ...
ನಿನ್ನ ಮುಂಗುರುಳ ಆ ಸಾಲು
ಕಣ್ತುಂಬಿ, ಮನದಲಿ ಮುಂಗಾರು
ನಿನ್ನ ಮೋಹಕ ನಗುವಿನ ಸರಿಗಮಕೆ
ನನ್ನ ಹೃದಯದಿ ಖುಷಿಯ ಮೆರವಣಿಗೆ...
ನಡೆಯಲು ನಿನ್ನ ವೈಯಾರ
ನೋಡುತ ಮನ ಬಂಗಾರ
ನಿನ್ನ ಮುತ್ತುಗಳುದುರುವ ಮಾತಿಗೆ
ಕೊಡುವೇ ಪ್ರೀತಿಯ ವಂತಿಗೆ...
ಕಾಲಿನ ಗೆಜ್ಜೆಯ ಸವಿಶ್ರುತಿಗೆ
ನನ್ನೆದೆ ಮಿಡಿತದ ವಂದನೆ
ನಿನ್ನೆಜ್ಜೆ ಗುರುತಲಿ ಐಕ್ಯನಾಗಲೇ
ಸಖ್ಯವ ಬಯಸಿ ನಿನ್ನಲೇ...
No comments:
Post a Comment