ನಿನ್ನ ಪಾದದಡಿ...

ಮುದ್ದಾದ ನಿನ್ನ ಚರಣಕೆ ಮುತ್ತಿಕ್ಕುವ ಹಂಬಲ

ನವಿರಾದ ನಿನ್ನ ಕಾಲ ನೇವರಿಸುತ..

ಹೂವ ರಾಶಿಯ ಮೇಲೆ ನೀ ಹೆಜ್ಜೆಯಿಟ್ಟಾಗ 
ಬರುವ ಘಮವನ್ನು ಆನಂದಿಸುತ.


ದೀಪದ ಬೆಳಕಿನಲಿ ಚಿನ್ನದ ನಿನ್ನ ಚರಣಕೆ 
ಬೆಳ್ಳಿಯ ಕಾಲ್ಗೆಜ್ಜೆಯ ನಾ ತೊಡಿಸುವೆ..
ದಟ್ಟ ಅಂಧಕಾರದಲೂ ನಿನ್ನ ಬಿಗಿದಪ್ಪುವೆನು
ಕಾಲ್ಗೆಜ್ಜೆಯ ಸಂಗೀತವ ಅನುಸರಿಸುತ.

ನಿನ್ನ ಚರಣದ ಪೂಜಾರಿ ನಾ

ನಲುಗದಿರು ನನ್ನೊರಟು ಸ್ಪರ್ಶಕೆ..
ನಿನ್ನ ಪಾದದ ಮೇಲಾಣೆ ಒಲವೇ
ಪ್ರೀತಿಸುವೆ ನಿನ್ನ ಅನವರತ.